ԱԺ-ն ամբողջությամբ ընդունեց «Ապօրինի ծագում ունեցող գույքի բռնագանձման մասին» օրենքի նախագիծը
Կառավարության կողմից ներկայացված «Արժեթղթերի շուկայի մասին» օրենքում փոփոխություններ եւ լրացումներ կատարելու մասին նախագիծն առաջին ընթերցմամբ ընդունելու մասին հարցն ընդունվեց 80 կողմ, 17 դեմ և 17 ձեռնպահ ձայներով։
Կառվարության ներկայացրած մեկ այլ՝ «Ապօրինի ծագում ունեցող գույքի բռնագանձման մասին» և կից ներկայացված օրենքների նախագծերի փաթեթը երկրորդ ընթերցմամբ և ամբողջությամբ ընդունելու մասին հարցը ընդունվեց 99 կողմ, 1 դեմ և 15 ձեռնպահ ձայների հարաբերակցությամբ։
ԱԺ երկրորդ ընթերցմամբ և ամբողջությամբ ընդունեց նաև «Հեռուստատեսության և ռադիոյի մասին» Հայաստանի Հանրապետության օրենքում փոփոխություն և լրացումներ կատարելու մասին և «Գովազդի մասին» ՀՀ օրենքում լրացում կատարելու մասին նախագծերի փաթեթը։ Նախագծերի փաթեթին կողմ քվեարկեց 114 պատգամավոր, իսկ դեմ և ձեռնպահ քվեարկողներ չկային։
