«Յուվենթուսը» կերկարաձգի Դիբալայի պայմանագիրը

«Յուվենթուսը» մոտ է հարձակվող Պաուլո Դիբալայի հետ նոր պայմանագիր կնքելուն: Сalciomercato.com-ի փոխանցմամբ՝ պայմանագրի երկարաձգումը միայն ժամանակի հարց է:

Թուրինցիները կբարձրացնեն ֆուտբոլիստի աշխատավարձը՝ այն հասցնելով մինչև տարեկան 12 մլն եվրոյի, ներառյալ՝ բոնուսները: Հենց այդքան էր խնդրում ֆուտբոլիստը, ում գործող պայմանագիրը նախատեսված է մինչև 2022թ. հունիս:

Նոր համաձայնագիրը նախատեսված կլինի մինչև 2024 կամ 2025 թվականը:

Պատրաստեց Անի Գաբուզյանը