Բաժնետոմսերի ռուսական շուկան կտրուկ անկումով է բացվել նավթային գնանշումների փլուզումից հետո

Ռուսական ընկերությունների բաժնետոմսերը մարտի 10-ին Մոսկվայի բորսայում գների կտրուկ անկում են արձանագրել նավթի գների փլուզումից հետո: Առեւտրական հարթակի տվյալների համաձայն, ՌԴ-ի նավթի-գազի խոշորագույն ընկերությունների («Ռոսնեֆտ», «Լուկօյլ», «Սուրգուտնեֆտեգազ») արժեթղթերն ընկել են 12-15 տոկոսով, սպառողական սեկտորինը՝ մինչեւ 28 տոկոսով, տեղեկացնում է ՏԱՍՍ-ը:

Ռուսաստանի ֆինանսական սեկտորի գնանշումները նույնպես փլուզվել են: «Սբերբանկ»-ը կորցրել է շուրջ 13 տոկոս, ՎՏԲ-ն՝ 12 տոկոս: Տեխնոլոգիական ընկերությունների («Յանդեքս», «Ռոստելեկոմ», «Սիստեմա») բաժնետոմսերը նույնպես արժեքի անկում են արձանագրել: ՌԴ-ի հանգուցային ֆոնդային ինդեքսները փլուզվել են Մոսկվայի բորսայի սակարկությունների բացվելուց հետո: Այսպես, Մոսկվայի բորսայի ինդեքսն ընկել է 14 տոկոսով՝ մինչեւ 2436 կետ, ՌՏՍ ինդեքսը՝ 16 տոկոսով՝ մինչեւ 1056 կետ: Մարտի 9-ին ռուսական ընկերությունների արժեթղթերը փլուզվել են Լոնդոնի եւ Նյու Յորքի ֆոնդային սակարաններում:

Շուկայի անկումը տեղի է ունենում նավթի գների ռեկորդային անկման ֆոնին այն բանից հետո, երբ Վիեննայում ձախողվեցին նավթի արդյունահանման կրճատման շուրջ կայացած բանակցությունները