Մարտի 10-ից արձակուրդ եմ վերցնում և ՀՀ մարզերով ու քաղաքներով անում ենք մեր բուն քարոզարշավը․ լինելու են հանրահավաքներ․ Նիկոլ Փաշինյան
Այսօր հանրային վայրերում մոտ 2 ժամ քարոզարշավ իրականացնելու ավարտին ՀՀ վարչապետ Նիկոլ Փաշինյանը հայտարարեց, որ մարտի 10-ից արձակուրդ է վերցնում՝ ՀՀ մարզերով ու քաղաքներով քարոզարշավ իրականացնելու համար:
«Մարտի 9-ին արտասահմանյան այց ունեմ: Վաղը և մյուս օրը կիսաաշխատանքային, կիսաքարոզչական է լինելու: Մարտի 10-ից արդեն ամբողջական քարոզարշավը սկսում ենք, արձակուրդ եմ վերցնում և ՀՀ մարզերով ու քաղաքներով անում ենք մեր բուն քարոզարշավը: Բոլոր քաղաքներում լինելու եմ, հավաքներ ենք անցկացնելու և հանրահավաքներ»,- հայտնեց վարչապետը։
