Հայաստանում վերջին երկու տարում հանցագործությունների թվի աննախադեպ աճ է գրանցվել. Նարեկ Մալյան
«ՎԵՏՕ» հասարակական շարժման ղեկավար Նարեկ Մալյանը Ֆեյսբուքի իր էջում անդրադարձավ հանցագործությունների աճի մասին, որը, ըստ նրա՝ աննախադեպ է:
«Հետհեղափոխական Հայաստանում հանցագործությունների աննախադեպ աճ կա՝ ՃՏՊ-ների, բռնության, գողությունների, կողոպուտների, գրպանահատությունների դեպքեր:
Արձանագրենք, որ երկրում քաղաքական իշխանությունը որդեգրել է մի քաղաքականություն, որ աշխատում են այնպես անել, թե իբր իրենք կապ չունեն այդ աճի հետ»,-ասաց Մալյանը:
Որպես օրինակ նշեց, որ 2008-ին ՀՀ-ում 9271 հանցագործություն է եղել, 2019-ին՝ 26 850 հանցագործություն. «Սա աննախադեպ է, և հիմանական աճը գրանցվել է վերջին երկու տարվա ընթացքում:
Խոսելով օբյեկտիվ ու սուբյեկտիվ կողմերից՝ Մալյանն ասաց, որ օբյեկտիվ կողմը համաներումն է, որը մարդասիրական ակտ է, սակայն այդ համաներումը բավական շտապ դրվեց շրջանառության մեջ և շատ հարցեր հաշվի չէին առնվել, այդ թվում նաև՝ համաներված մարդկանց զբաղվածության հարցը, և ազատվելուց հետո կրկին հանցագործություններ են կատարել:
«Մյուսը՝ «սորոսականների» կողմից հանցագործների հովանավորումն է, իրենք վճարում են, որ պաշտպանեն հանցագործներին, վճարվում են դրա համար, և դա ինքնանպատակ չէ: Դա արվում է, որ հանրության շրջանում կասկածի տակ դրվի իրավապահ համակարգը, որ մարդիկ չսիրեն իրավապահներին և այլն»,-ասաց Մալյանը:
Առավել մանրամասն՝ տեսանյութում:
Ինչու է աճել հանցագործությունը մեր երկրում
Gepostet von ՎԵՏՕ VETO ВЕТО am Freitag, 6. März 2020
