Կամերունում գրանցվել է կորոնավիրուսով վարակման առաջին դեպքը
Կամերունի առողջապահության նախարարությունը մարտի 6-ին հայտնել է, որ երկրում գրանցվել է նոր կորոնավիրուսի հարուցած հիվանդության առաջին դեպքը: Այդ մասին հայտնել է Journal du Cameroun պորտալը՝ վկայակոչելով առողջապահության նախարարության մամուլի տեղեկագիրը։
«Խոսքը վերաբերում է Ֆրանսիայի 58-ամյա մի քաղաքացու, որը Կամերուն է ժամանել փետրվարի 24-ին,-նշվում է փաստաթղթում:-Կորոնավիրուսի առկայության նրա թեստը դրական արդյունք է տվել»: Կամերունը դարձել է Աֆրիկայի՝ Սահարայից հարավ գտնվող չորրորդ երկիրը, որտեղ կորոնավիրուսով վարակվածներ են գրանցվել: Առաջինը դարձել է Նիգերիան, այնուհետեւ Սենեգալը, իսկ մարտի 5-ին այդ խմբի մեջ է մտել Հարավաֆրիկյան Հանրապետությունը: Առայժմ այս չորս երկրում կորոնավիրուսով ախտահարվածները հինգն են, հաղորդել է ՏԱՍՍ-ը:
