Լարվածությունը մեծ էր Օլիմպիական խաղերի ուղեգիր նվաճելու պատճառով. Սեյրան Նիկողոսյան
Հայաստանի հրաձգության հավաքականի գլխավոր մարզիչ Սեյրան Նիկողոսյանը գոհ է Եվրոպայի առաջնությանը երիտասարդ մարզիկների մասնակցությունից, սակայն դժգոհ է մեծահասակների արդյունքներից: «Արմենպրես»-ի հետ զրույցում մարզիչը փաստեց, որ իր համար անսպասելի էր, որ երիտասարդները նման արդյունքներ կգրանցեն: «Գոհ եմ երիտասարդներից, բայց ինձ դուր չեկան մեծահասակների արդյունքները: Քանի որ մրցաշարը մեծահասակների համար Օլիմպիական խաղերի համար վարկանիշային էր, նրանց մոտ մեծ էր լարվածությունը: Ընդհանուր առմամբ, նրանք պատրաստ էին»,-շեշտեց մասնագետը:
Հաջորդիվ հրաձիգները կմասնակցեն Զինաիդա Սիմոնյանի հուշամրցաշարի և Հայաստանի առաջնությանը:
Հրաձիգները Օլիմպիական խաղերի համար վարկանիշ ձեռք բերելու ևս մեկ հնարավորություն ունեն արդեն մայիս ամսին չեխական Պլզեն քաղաքում:
