Disney-ի նոր ղեկավար է դարձել Բոբ Չապեկը
Ղեկավարության փոփոխություն է տեղի ունեցել The Walt Disney Company ամերիկյան խոշոր կորպորացիայում. Բոբ Չապեկը դարձել էդրա նոր գլխավոր տնօրենը, ավելի վաղ այդ պաշտոնն զբաղեցնում էր Ռոբերտ Այգերը: Այդ մասին ասված է փետրվարի 25-ին ընկերության կայքում հրապարակված հայտարարության մեջ։
Այգերը, որն ընկերության ղեկավարն էր 2005 թվականից, կշարունակի աշխատել այնտեղ: Մինչեւ 2021 թվականի դեկտեմբերի վերջը նա կզբաղեցնի վարչության գործադիր նախագահի պաշտոնը: Բիզնեսմենը, մասնավորապես, պատասխանատու կլինի Disney-ի ստեղծագործական ստորաբաժանումների համար:
Չապեկը Disney-ում աշխատում է արդեն շուրջ 27 տարի: Ավելի վաղ նրա պատասխանատվության ոլորտի մեջ մտնում էին ընկերության ժամանցային զբոսայգիները, ինչպես նաեւ նրա արտադրանքի մի մասը: Չապեկն աշխատանքի այն ուղղությունների թվում, որոնք նա համարում է հանգուցային, նշել է տեխնոլոգիական ինովացիաները եւ Disney-ի դերի ընդլայնումը միջազգային շուկաներում:
The Walt Disney Company-ի գլխավոր գրասենյակը գտնվում էԲերբանքում (Կալիֆոռնիայի նահանգ): Ընկերության շուկայական կապիտալիզացիան գնահատվում է մոտավորապես 230 մլրդ դոլար:
Ինչպես նշում է CNBC-ն, Disney-ի բաժնետոմսերը ղեկավարության փոխվելու վերաբերյալ նորությունների ֆոնին ընկել է 2,5 տոկոսով, հաղորդել է ՏԱՍՍ-ը:
