Պետական համակարգում խնդիրների մասին քաղաքացիները ՊՎԾ-ին կարող են տեղեկացնել Messenger-ի միջոցով

Քաղաքացիներն այսուհետ կարող են պետական համակարգում հանդիպած խնդիրների մասին ՀՀ պետական վերահսկողական ծառայությանը տեղեկացնել Messenger հավելվածի միջոցով: Այս մասին հայտնեցին ՀՀ պետական վերահսկողական ծառայությունից:

«Հարգելի՛ քաղաքացիներ,

Այսուհետ դուք կարող եք ՀՀ պետական համակարգում ձեզ հանդիպած խնդիրների մասին ՀՀ պետական վերահսկողական ծառայութանը տեղեկացնել Messenger հավելվածի միջոցով:

ՀՀ ՊՎԾ դիմումների և քաղաքացիների ընդունելության բաժնի նորաբաց ֆեյսբուքյան էջում դուք կարող եք ուղարկել Ձեր հանրագիրը՝ հետևելով հետևյալ հրահանգներին․

1.«Հանրագրերի մասին» ՀՀ օրենքի համաձայն լրացրեք ձեր՝

Անունը`

Ազգանունը`

Բնակության հասցեն`

Հեռախոսահամարը`

և Էլ. հասցեն`

2.հայերեն լեզվով գրեք ձեր դիմումը և ուղարկեք այն:

Դիմումների և քաղաքացիների ընդունելության բաժնի աշխատակիցները նամակը ստանալուն պես կապ կհաստատեն ձեզ հետ:

Հիշեցնենք, որ ՀՀ պետական վերահսկողական ծառայություն կարող եք դիմել նաև՝

ուղարկելով ձեր կողմից ստորագրված հանրագիրը

ք. Մաշտոցի 47 հասցեով,

[email protected] էլ. հասցեով,

supervision.am կայքի միջոցով,

կամ զանգահարելով՝ 010 313131 հեռախոսահամարով:

«Անձնական տվյալների պաշտպանության մասին» ՀՀ օրենքի համաձայն՝ Ձեր անձնական տվյալների գաղտնիությունը երաշխավորվում է»,- ասված է ՊՎԾ հաղորդագրության մեջ: