Իտալիայում 13 մարդ է ձերբակալվել խարդախության և մաֆիայի հետ կապերի կասկածանքով
Իտալիայի ֆինգվարդիայի (ֆինանսների նախարարության ուժային ստորաբաժանման) աշխատակիցները 13 մարդ են ձերբակալել հարկային խարդախության եւ «Կամորա» նեապոլյան մաֆիայի հետ կապերի կասկածանքով: Փետրվարի 3-ին այդ մասին հայտնել է Sky TG-24 հեռուստաալիքը։
Հեռուստաալիքի տվյալներով՝ ձերբակալվածներին կասկածում են 100 միլիոն եվրոյից ավելի գումարի հարկային մեքենայությունների մեջ: Ինչպես նշել է հեռուստաալիքը, իրավապահ մարմինները տասնյակ խուզարկություններ են կատարել Իտալիայի ամբողջ տարածքում:
«Կամորան» համարվում է իտալական բոլոր մաֆիաներից առավել դաժանը, հաղորդել է ՏԱՍՍ-ը:
