Վթար Էջմիածին քաղաքում. տուժածները տեղափոխվել են Վաղարշապատի ԲԿ
Փետրվարի 1-ին, ժամը 06:56-ին 911 ահազանգման կենտրոն ահազանգ է ստացվել, որ Արմավիրի մարզի Էջմիածին քաղաքի Մաշտոցի փողոցում տեղի է ունեցել ՃՏՊ. ավտոմեքենան բախվել է սյանը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ «Opel B» մակնիշի ավտոմեքենան (վարորդ՝ Արթուր Հ., ծնված 1990 թ.) դուրս է եկել ճանապարհի երթևեկելի հատվածից և բախվել էլեկտրական սյանը. վարորդն արգելափակվել է ավտոմեքենայում:
Մինչ փրկարարների՝ կանչի վայր հասնելն ավտոմեքենայի ուղևոր Գայանե Ղ.-ն (ծնված 1992 թ.) տեղի ուժերով դուրս է բերվել ավտոմեքենայից և տեղափոխվել Վաղարշապատի ԲԿ:
Փրկարարներն ավտոմեքենայից դուրս են բերել վարորդին. վերջինս ևս հոսպիտալացվել է Վաղարշապատի ԲԿ: Բժիշկները տուժածների առողջական վիճակը գնահատել են բավարար:
