«Բանակի սպառազինությունը եղել է ՀՀԿ իշխանության օրոք՝ սկսած Վազգեն Սարգսյանից». Գալուստ Սահակյան
Բանակի ամբողջ սպառազինությունը եղել է Հանրապետական կուսակցության իշխանության ժամանակ՝ սկսած Վազգեն սպարապետից։ Ամբողջ բանակի ստեղծումը կապված է այդ ժամանակվա մեր հերոսների հետ։ Չեմ կարծում, որ այդպես մտածված երևույթ է, որ բանակի համար ինչ-որ մի բան են արել հիմա, և այն հազվագյուտ իրողություն է։ Բանակի գործունեությունը սկսվել է 1990-ականներից, և մենք դրան միշտ պատրաստ ենք եղել»,- այս մասին «Եռաբլուրում» լրագրողների հետ զրույցում ասաց Գալուստ Սահակյանը՝ անդրադառնալով լրագրողի հարցին, թե ինչո՞ւ իրենց իշխանության ժամանակ չէին կարողանում սպառազինել բանակը։
Գալուստ Սահակյանը չցանկացավ անդրադառնալ վարչապետ Նիկոլ Փաշինյանի և Հրայր Թովմասյանի գրիչի պատմությանը՝ նշելով, որ այսօր Բանակի օրն է։
«Հաջորդ անգամ երբ հանդիպենք, այդ մասին մենք կխոսենք»,- նշեց Գալուստ Սահակյանը։
