Օբամեյանգը պատրաստ է տեղափոխվել «Բարսելոնա» և հաստատել է «Արսենալի» հետ բանակցությունները
«Արսենալի» հարձակվող Պյեր-Էմերիկ Օբամեյանգը պատրաստ է տեղափոխվել «Բարսելոնա» այս ձմռանը:
Կատալոնական ակումբը մտադիր է հունվարյան տրանսֆերային պատուհանում ամրապնդել հարձակման գիծը՝ հարձակվող Լուիս Սուարեսի վնասվածքի պատճառով:
Միևնույն ժամանակ, կապտանռնագույնների ղեկավարությունը հասկանում է, որ գործարքը հեշտ չի լինի, քանի որ «Արսենալը» մտադիր չէ բաց թողնել իր առաջատարներից մեկին:
30-ամյա հարձակվողի համար հետաքրքիր է «Բարսելոնա» տեղափոխվելու տարբերակը, նա հավանություն է տվել ակումբների միջև բանակցություններին: Նրա կարծիքը կարող է էական ազդեցություն ունենալ «Արսենալի» որոշման վրա:
Այս մրցաշրջանում Օբամեյանգը բոլոր մրցաշարերում անցկացրած 26 խաղում 16 գոլ է խփել:
Սիրարփի Աղաբաբյան
