«Արմեն Թավադյանի կալանավորումը ազդել է «5-րդ ալիքի» գործունեության վրա». Հարություն Հարությունյան
«5-րդ ալիքի» գործադիր տնօրեն Հարություն Հարությունյանը այսօր լրագրողների հետ զրույցում հայտարարեց, որ Վերաքննիչ քրեական դատարանում «5-րդ ալիքի» սեփականատեր Արմեն Թավադյանի խափանման միջոցը փոխելու բողոքը մերժվելու է. այդպիսի շշուկներ են պտտվում:
Հարությունյանը նշեց, որ Արմեն Թավադյանի կալանավորումը ազդել է «5-րդ ալիքի» գործունեության վրա. «Չի կարող ազդած չլինել, ազդել է։ Մենք ունեինք նախագծեր, որոնք պետք է սկսեինք, բայց այդ նախագծերը դադարեցրել ենք։ Հայաստանում, չեմ կարծում, որ կա մի լրատվամիջոց, որ առանց սեփականատիրոջ ներդրումների կամ աջակցության կկարողանա զարգացնել իր ծրագրերը»։
Հիշեցնենք՝ Ա․ Թավադյանը ձերբակալել էՀՀ քրեական օրենսգրքի 340-րդ հոդվածի 4-րդ մասի 1-ին կետով նախատեսված (Սուտ ցուցմունք, կեղծ եզրակացություն տալու կամ սխալ թարգմանության համար կաշառելը կամ հարկադրելը) հանցավոր արարք կատարելու կասկածանքով, ապա կալանավորել։
