«Մեսսին մարզիչներին դարձնում է ավելի լավը»․ Սետյեն
«Բարսելոնայի» նոր գլխավոր մարզիչ Կիկե Սետյենը կիսել է իր կարծիքը հարձակվող Լիոնել Մեսսիի խաղի վերաբերյալ:
«Ես համաձայն եմ այն ամենի հետ, ինչ ասել են Լեոյի մասին: Նա զարմանալի ելույթներ ունի, և ոչ մի ֆուտբոլիստ չի արել դա ֆուտբոլի ողջ պատմության ընթացքում:
Նա յուրաքանչյուր խաղում արտակարգ ազդեցություն է ունենում խաղի վրա: Նա եզակի խաղացող է: Կարող եք մտածել, որ նրա նման ֆուտբոլիստ նորից չի լինելու։
Լիոնելը մեզ՝ մարզիչներիս, ավելի լավն է դարձնում։ Նա մեզ համար գավաթներ է նվաճում։
Նա խաղացող է, ում պետք չէ որևէ բան ասել․ դա ցույց է տալիս, թե որքան մրցունակ է նա: Սա անբացատրելի է, բայց հիանալի»,- ասել է Սետյենը:
Սիրարփի Աղաբաբյան
