«Ռաշֆորդը թիմի բացարձակ առաջատարն է». Սուլշեր
«Մանչեսթեր Յունայթեդի» գլխավոր մարզիչ Օլե-Գունար Սուլշերը խոսել է «Լիվերպուլի» դեմ խաղի նախօրեին հարձակվող Մարկուս Ռաշֆորդի վիճակի մասին:
«Նա արագ ապաքինվում է, և նա կարող է խաղալ, չնայած որոշակի ցավին: Իհարկե, եթե վնասվածքն ավելի լուրջ չլինի: Բայց մենք տեսանք, որ վերջերս Մարկուսը պայքարում է. չեմ կարծում, որ հոգնածությունը վնասվածք է առաջացրել»:
Ռաշֆորդը բացարձակ առաջատար է այս մրցաշրջանում, ուստի մենք ամեն ինչ կանենք, որպեսզի նրան լավ մարզավիճակում պահենք «Լիվերպուլի» դեմ խաղից առաջ: Եթե ոչ, ապա մենք կխաղանք առանց նրա»,- ասել է Սուլշերը:
Պատրաստեց Անի Գաբուզյանը
