Թիլ Շվայգերը դոկումենտալ ֆիլմ է նկարում Շվայնշտայգերի մասին
«Բավարիայի» և Գերմանիայի հավաքականի նախկին կիսապաշտպան Բաստիան Շվայնշտայգերը կդառնա ֆիլմի հերոս:
Դոկումենտալ ֆիլմը նկարում է հայտնի գերմանացի դերասան և ռեժիսոր Թիլ Շվայգերը: Ֆիլմը կթողարկվի Amazon Prime-ով արդեն այս տարի:
Ֆիլմը կանդրադառնա ոչ միայն Շվայնշտայգերի ֆուտբոլային կարիերային, որը նա ավարտեց անցյալ տարի, այլև նրա անձնական կյանքին:
«Բաստիանն ինձ համար բոլոր ժամանակների գերմանացի մեծագույն ֆուտբոլիստներից մեկն է: Եվ նաև հիանալի մարդ: Բաստիի դեպքում սցենար գրելը շատ հեշտ էր»,- խոստովանել է Շվայգերը, ում խոսքերն է մեջբերում Die Welt-ը:
Պատրաստեց Անի Գաբուզյանը
