«Ռեալը» վստահ չէ, որ որևէ մեկը կգնի Բեյլին
«Ռեալը» դեռ ցանկանում է ամռանը վաճառել կիսապաշտպան Գարեթ Բեյլին, հայտնում է The Telegraph-ը:
Մադրիդյան ակումբը մտադիր է դա անել, չնայած ուելսցի գործակալ Ջոնաթան Բարնեթի խոսքերին, որ տրանսֆերը քիչ հավանական է:
«Գարեթը չի հետաքրքրում MLS-ով: Ձմեռային տրանսֆերային պատուհանի ընթացքում Բեյլը չի հեռանա «Ռեալից» և շատ քիչ հավանական է, որ դա տեղի ունենա ամռանը»,- ասել է Բարնեթը:
«Ռեալը» համաձայն է, որ այս ամիս գնորդ գտնելը քիչ հավանական է:
Մադրիդյան թիմը նաև վստահ չէ, որ ամառային տրանսֆերային պատուհանի ընթացքում կգտնվի ակումբ, որը պատրաստ կլինի ֆուտբոլիստի համար համարժեք գումար վճարել։
Բեյլի պայմանագիրը «Ռեալի» հետ ուժի մեջ է մինչև 2022 թվականը: Անցած տարի ուելսացին մոտ էր չինական ակումբին միանալուն, բայց գործարքն ընդհատվեց։
Սիրարփի Աղաբաբյան
