Լոզանում մեկնարկում են պատանեկան Օլիմպիական խաղերը
Շվեյցարական Լոզան քաղաքում մեկնարկում են ձմեռային պատանեկան Օլիմպիական խաղերը:
Հայաստանն այս խաղերում ներկայացնում է 16-ամյա դահուկորդ Սպարտակ Ոսկանյանը, ով երկու մեկնարկում կունենա Խաղերում` արագավազքում և 10 կմ դասական ոճում:
Ձմեռային պատանեկան Օլիմպիական խաղերը կանցկացվեն 2020 թվականի հունվարի 9-22-ը։ Հանդես կգան 15-18 տարեկան 1880 մարզիկներ ավելի քան 70 երկրներից: Լոզան-2020-ի բացման արարողության բոլոր տոմսերը սպառվել են վաճառքի մեկնարկային օրը: Ձմեռային պատանեկան Օլիմպիական խաղերի բոլոր մարզական իրադարձությունների և պարգևատրման արարողությունների մուտքը կլինի ազատ:
