«Ուկրաինայի միջազգային ավիաուղիներ»-ն անորոշ ժամանակով դադարեցնում է դեպի Իրան չվերթները
«Ուկրաինայի միջազգային ավիաուղիներ» ընկերությունը որոշում է կայացրել անորոշ ժամանակով դադարեցնել դեպի Իրան չվերթները:
Այս մասին հունվարի 8-ին Կիևի «Բորիսպոլ» օդանավակայանում հրավիրված մամուլի ասուլիսում հայտնել է ավիաընկերության պաշտոնական ներկայացուցիչը:
«Որոշում է կայացվել անորոշ ժամանակով կասեցնել չվերթները դեպի Իրան»,- նշել է նա:
Ավիաընկերության ներկայացուցիչները հայտնել են, որ Թեհրանում կործանված օդանավը վերջին տեխզննումն անցել է հունվարի 6-ին, որի ընթացքում որևէ խնդիր չի հայտնաբերվել:
