Կոնգոյի ԴՀ-ում կարմրուկից մահացածների թիվը գերազանցել է 6000-ը
Կոնգոյի Դեմոկրատական Հանրապետությունում կարմրուկից մահացածների թիվը գերազանցել է վեց հազարը, ինչի մասին հայտնել է Առողջապահության համաշխարհային կազմակերպությունը։
2019 թվականի դեկտեմբերին հաղորդվել էր 5 հազար մարդու մասին, որոնք տարեսկզբից կարմրուկի համաճարակի հետեւանքով մահացել էին Կոնգոյի ԴՀ-ի 26 նահանգներում:
Կազմակերպության տվյալներով՝ 2019 թվականին մինչեւ հինգ տարեկան ավելի քան 18 միլիոն երեխա է կարմրուկի դեմ պատվաստում ստացել ԿԴՀ-ում: Բնակչության հենց այս խումբն է հիվանդության նկատմամբ առավել խոցելին. կարմրուկի գրանցված դեպքերի 25 տոկոսը բաժին է ընկնում նրանց: «Մենք հնարավոր ամեն բան անում ենք, որպեսզի հսկողության տակ առնենք համաճարակը:
Սակայն իրապես հաջողություն հասնելու համար մենք պետք է համոզվենք, որ ոչ մի երեխա չի ենթարկվում հիվանդանալու չարդարացված մահացու ռիսկի, որը կարելի է հեշտությամբ կանխել պատվաստման օգնությամբ»,-հայտարարել է Աֆրիկայի համար ԱՀԿ-ի տարածաշրջանային տնօրեն Մատշիդիսո Մոյետին, հաղորդել է ՌԻԱ Նովոստին:
