«Ցանկացած ժամանակ». Կավանին և Մեսսին պայմանավորվում են կռվի շուրջ
«Բարսելոնայի» ավագ Լիոնել Մեսսին Արգենտինայի և Ուրուգվայի ազգային հավաքականների միջև ընկերական խաղի ընթացքում վիճել է ՊՍԺ-ի ֆուտբոլիստ Էդինսոն Կավանիի հետ:
Առաջին խաղակեսի վերջում Լեոն ոտքին հարված է ստացել և ցանկացել է ամբողջ զայրույթը թափել Կավանիի վրա: Ուրուգվայցին չի վարանել և առաջարկել է Մեսսիին իրավիճակը տղամարդկանց նման լուծել, որին Արգենտինայի ավագը պատասխանել է. «Ցանկացած ժամանակ»:
Ինչպես հաղորդում է Goal-ը, ընդմիջման ժամանակ իսկապես կարող էր կռիվ լինել, սակայն Մեսսիի ակումբակից Լուիս Սուարեսը շտկել է իրավիճակը:
Պատրաստեց Անի Գաբուզյանը
