Սեդրակ Քոչարյանը կուսակցություն չի բացում
Ֆեյսբուքյան տարածքում որոշ օգտատերերի միջոցով տեղեկություններ են տարածվում այն մասին, թե ՀՀ երկրորդ նախագահ Ռոբերտ Քոչարյանի ավագ որդին՝ Սեդրակ Քոչարյանը, կուսակցություն է ստեղծում։ Ավելին, տեղեկությունը տարածողները հատուկ կայքէջ են բացել՝ petutyun.am, որի միջոցով շրջանառում են. «Սեդրակ Քոչարյանի կուսակցության հիմնադիր համագումարը կանցկացվի հունվար ամսվա վերջին։ Այդ հավաքին մասնակցելու են մի շարք ՀԿ-ներ, որոնց անդամները հիմնադիր համագումարի ընթացքում անդամագրվելու են կուսակցությանը»։
168.am-ը կապ հաստատեց Ռոբերտ Քոչարյանի գրասենյակի ղեկավար Վիկտոր Սողոմոնյանի հետ՝ ճշտելու տարածվող տեղեկատվության իսկությունը։ «Նման բան չկա»,- կտրուկ պատասխանեց Սողոմոնյանը, ով ևս համացանցում հանդիպել էր այդ հրապարակումներին։
