«Ռազմարդյունաբերության ծախսերի ընդլայնման արդյունքը, լավագույն դեպքում, կտեսնենք 1-2 տարուց». Ավետիք Չալաբյան
Երեկ Ազգային ժողովում հաջորդ տարվա բյուջեն ներկայացնելիս Բարձր տեխնոլոգիական արդյունաբերության նախարար Հակոբ Արշակյանը հայտարարել է, որ նախարարությանը տրվող 12,5 միլիարդ դրամից 6,3 միլիարդն ուղղվելու է ռազմարդյունաբերության ոլորտին։
«2020 թվականի բյուջետային հատկացումները ռազմարդյունաբերության ոլորտում ավելացվել են շուրջ 122 տոկոսով՝ հասնելով շուրջ 6,3 միլիարդ դրամի»,- նշել է նախարարը:
168.am-ի հետ զրույցում «Ազգային օրակարգ» կուսակցության համահիմնադիր, «Արար» հիմնադրամի խորհրդի հիմնադիր նախագահ Ավետիք Չալաբյանն արձագանքելով այս հայտարարությանը և հիշեցմանը, որ պաշտպանական ծախսերի ավելացում չի նախատեսվում՝ շեշտեց.
«Ռազմարդյունաբերության ծախսերն ընդլայնելը դրական եմ գնահատում, սակայն դրանց արդյունքը մենք կտեսնենք, լավագույն դեպքում, 1-2 տարուց։ Իսկ պաշտպանական ծախսերը չավելացնելը գնահատում եմ բացասական, մասնավորապես՝ հակառակորդի կողմից իր սպառազինությունների բյուջեն կտրուկ ընդլայնելու պայմաններում»։
Մարիամ Պետրոսյան
