Ֆեդերերը պարտվել է ATP ամփոփիչ մրցաշարի մեկնարկում
Շվեյցարացի թենիսիստ Ռոջեր Ֆեդերերը անակնկալ պարտություն է կրել ATP թենիսի տարվա ամփոփիչ մրցաշարի մեկնարկում:
Լոնդոնում մեկնարկած թենիսի տարվա ամփոփիչ մրցաշարի առաջին մրցախաղում Ֆեդերերի մրցակիցը Դոմինիկ Տիմն էր Ավստրիայից: 1 Ժամ 40 րոպե ձգված մրցախաղում Ֆեդերերը զիջեց երկու սեթում` 5:7, 5:7:
ATP տարվա ամփոփիչ մրցաշարին մասնակցում են 8 թենիսիստ, որոնք բաժանվել են երկու ենթախմբի: Մրցաշարն անցկացվում է նոյեմբերի 10-17-ը, մրցանակային ֆոնդը կազմում է 9 միլիոն ԱՄՆ դոլար:
