«Յուվենթուսը» կարող է ստորագրել Մոհամեդ Սալահին
Եգիպտացին դեռևս որևէ մեկնաբանություն չի տվել։
Goal.com հարթակի համաձայն, մոտ ժամանակներս «Լիվերպուլը» կարող է բաց թողնել Մոհամեդ Սալահին: Թուրինի «Յուվենթուսը» ցանկանում է որքան հնարավոր է շուտ գնել եգիպտացի ֆուտբոլիստին։
Աղբյուրի համաձայն՝ թուրինյան ակումբի ղեկավարությունը մտադիր է վաճառել Պաուլո Դիբալային, իսկ հասույթը ծախսել Սալահի ձեռքբերման վրա: Ինքը՝ Մոհամեդը, ձեռնպահ է մնում իր ապագան մեկնաբանելուց և չի պատասխանում անգլիական ակումբից հեռանալու մասին հարցերին:
Հիշեցնենք, որ ավելի վաղ Սալահի նկատմամբ հետաքրքրությունը վերագրվում էր ՊՍԺ-ին, Մյունխենի «Բավարիային» և Մադրիդի «Ռեալին»:
Այս մրցաշրջանում եգիպտացին Անգլիայի Պրեմիեր լիգայում անցկացրել է 10 հանդիպում, խփել է 5 գոլ և կատարել 3 գոլային փոխանցում:
Սիրարփի Աղաբաբյան
