Ոստիկանությունը հետախուզվողների է հայտնաբերել
Նոյեմբերի 1-ին, ժամը 19.35-ին, ոստիկանության Շենգավիթի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ բաժին բերման է ենթարկվել ՀՀ քաղաքացի, 51-ամյա մի տղամարդ, որը 2016 թ․ մարտի 15-ից հետախուզվում էր Ֆրանսիական Հանրապետության քրեական օրենսգրքի 224-5-2-րդ, 224-4-րդ, 224-9-րդ, 222-12-րդ, 222-44-րդ, 222-45-րդ, 222-47-րդ, 450-1, 450-3-րդ, 450-5-րդ հոդվածների՝ հանցավոր խբերին աջակցելու մեղադրանքով:
Հետախուզվողի հայտնաբերման մասին հայտնվել է ՀՀ ոստիկանության Ինտերպոլի ԱԿԲ-ին:
***
Ոստիկանության ՔՀԳ վարչության և Արագածի բաժնի ծառայողների ձեռնարկած միջոցառումների արդյունքում, նոյեմբերի 1-ին, ժամը 17.00-ին, Օշական գյուղում հայտնաբերվել և ոստիկանության Արագածի բաժին բերման է ենթարկվել 31-ամյա մի տղամարդ, որը հոկտեմբերի 31-ից ոստիկանության Վաղարշապատի բաժնի կողմից հետախուզվում էր՝ ՀՀ քրեական օրենսգրքի 333 հոդվածի 1-ին մասի՝ սուտ մատնության մեղադրանքով:
Տղամարդը ներկայացվել է հետախուզումը նախաձեռնողին:
***
Ոստիկանության Գուգարքի բաժնի ՔՀԲ ծառայողների ձեռնարկած միջոցառումների շնորհիվ, նոյեմբերի 1-ին, ժամը 12.20-ին, բաժին բերման է ենթարկվել 43-ամյա մի տղամարդ, որը 2019 թ. հոկտեմբերի 1-ից հետախուզվում էր՝ ՀՀ քրեական օրենսգրքի 147 հոդվածի 1-ին մասի և 185 հոդվածի 2-րդ մասի 1-ին և 2-րդ կետերի մեղադրանքով՝ դատաքննությունից խուսափելու համար:
Հետախուզվողը ներկայացվել է Լոռու մարզի ընդհանուր իրավասության դատարան:
