ԱՊԼ-ում երեխաներին կարգելեն գլխով խաղալ
Ինչպես հաղորդում է The Telegraph-ը, Անգլիայում դիտարկում են երեխաներին գլխով խաղալն արգելելը:
Այս որոշումը կարող է ընդունվել Գլազգոյի համալսարանի կողմից վերջերս անցկացված ուսումնասիրության ֆոնին, ըստ որի՝ նախկին պրոֆեսիոնալ ֆուտբոլիստները 3.5 անգամ ավելի հաճախ են մահանում ուղեղի հիվանդություններից, այդ թվում՝ թուլամտությունից, քան այլ մարդիկ:
Պրեմիեր լիգայի ղեկավարությունն ակումբներին տեղեկացրել է. որ ներկայումս ուսումնասիրում է ապացույցները, որից հետո առաջարկություններ է ներկայացնելու:
Հաղորդվում է, որ «Բորնմութն» արդեն իսկ արգելել է իր ակադեմիայի սաներին գլխով խաղալ:
Պատրաստեց Անի Գաբուզյանը
