Honda-ն ներկայացրել է նոր Jazz-ը
Honda ընկերությունը Տոկիոյի ավտոսրահում ցուցադրել է Jazz հեթչբեքը, որը Եվրոպայում վաճառքում կհայտնվի 2020 թվականին: Նորույթը կդառնա մակնիշի եվրոպական շարքի առաջին մոդելը, որը կրելու է e: HEV նոր խորհրդանշանը՝ մատնանշելով նոր հիբրիդային կայանքը։
Նոր Honda Jazz-ը շարժման մեջ է դնում հիբրիդային ուժային կայանքը, որի մեջ մտել են 1,5 լիտրանոց բենզինային շարժիչը եւ երկու էլեկտրաշարժիչ, որոնց միագումար օգտակար աշխատանքի գործակիցը դեռեւս չի նշվել: Դա կլինի մոդելի միակ հասանելի վերափոխակը Եվրոպայում: Սովորական հեթչի հետ միասին շուկա դուրս կգա Jazz Crosstar-ի «համաճանապարհային» տարբերակը:
