Ճապոնիայում «Հագիբիս» թայֆունի զոհերի թիվը հասել է 67-ի
«Հագիբիս» թայֆունի զոհերի թիվը, որը անցած հանգստյան օրերին մոլեգնել է Ճապոնիայում, հասել է 67-ի: Այդ մասին հոկտեմբերի 15-ին հայտնել է NHK հեռուստաալիքը:
Տարերքն առավել մեծ թվով կյանքեր է խլել Ֆուկուսիմա հյուսիսարեւելյան պրեֆեկտուրայում: Ամբողջ երկրում տուժածների թվաքանակը գերազանցել է 200-ը, եւս մոտավորապես 10 մարդ անհայտ կորած է համարվում:
Ինչպես հայտարարել է Ճապոնիայի նախարարների կաբինետի գլխավոր քարտուղար Յոսիհիդե Սուգան, տարերքի հարվածին ենթարկված շրջաններում շարունակվում են ենթակառուցվածքի վերականգնման աշխատանքները, կատարվում են որոնողափրկարարական գործողություններ:
Ընդամենն այդ աշխատանքներում գործի են դրված շուրջ 11 հազար մարդ, ներառյալ Ինքնապաշտպանության ուժերի մարտիկները: Ներկայում առանց էլեկտրականության է մնում մոտավորապես 34 հազար բնակարան ու տուն, 130 հազար բնակարաններ զրկված են ջրամատակարարումից, հաղորդել էՏԱՍՍ-ը:
