8 դեր, որ տղամարդն ընդունում է ամուսնության մեջ
Մենք կյանքի տարբեր փուլերի միջով ենք անցնում՝ փորձելով այս կամ այն դերը:
1. Լավագույն ընկեր
Իհարկե, ցանկացած կին էլ իր ամուսնու մեջ ցանկանում է տեսնել լավագույն ընկերոջ: Դուք հավանաբար կցանկանայիք ձեր կյանքը կիսել նրա հետ, ով կարողանում է ծիծաղել և ուրախանալ, ով կարողանում է կիսել ձեր ուրախություններն ու տխրությունները: Դա մարդ է, ում կողքին դուք ձեզ երջանիկ եք զգում, զգում եք, որ ձեզ հասկանում են:
2. Դայակ
Մենք բոլորս էլ մարդ ենք, և դրա համար էլ պարբերաբար հիվանդանում ենք և ոչ միշտ ենք կարողանում գտնվել սեփական ֆիզիկական հնարավորությունների գագաթնակետին: Հենց այդ պահերին է ամուսինը հանդես գալիս դայակի դերում: Նա այն մարդն է, ով պատրաստ է հոգ տանել ձեր մասին ու աջակցել՝ որքան պետք է:
3. Կյանքի ուղեկից
Դա այն զուգընկերն է, ով պատրաստ է իր վրա ընդունել շրջապատող աշխարհի մարտահրավերները: Նա այն մարդն է, ում դուք կարող եք դիմել աջակցության խնդրանքով, և ով միշտ կօգնի ձեզ, եթե դուք չկարողանաք ինքնուրույն հաղթահարել կենսական բարդությունները:
4. Ուսուցիչ
Իսկական ամուսինը միշտ կկիսվի իր իմաստնությամբ ու արժեքավոր դաս կտա, որն անհրաժեշտ է ձեր հետագա զարգացման համար: Նա ցույց է տալիս, որ կան նաև այլ տեսակետներ, որ դուք կարողանաք տարբեր տեսանկյուններից նայել աշխարհին ու կյանքին ընդհանուր առմամբ:
5. Աշակերտ
Որոշակի պահերի նա պատրաստ է լինել ձեր աշակերտը, մասնավորապես՝ նա, ով երբեմն կարող է մի կողմ դնել իր «ես»-ը ու վստահել առավել իմաստուն դատողություններին: Լավ ամուսինը կսովորի ձեզնից, երբ դուք նրան իսկապես սովորեցնելու բան ունեք:
6. Հոգեբան
Ամուսինը նաև հոգեբան է, ով պատրաստ է լսել ձեր բողոքները կյանքից, երբ ներսումդ էմոցիաները եռում են ու տենչում դուրս ժայթքել: Եվ ոչինչ, որ միշտ չէ, որ նա գործնական խորհուրդ ունի ձեզ համար, բայց դուք գիտեք, որ կա մի մարդ, ով ձեզ միշտ կլսի:
7. Հեքիաթային արքայազն
Ցավոք, իրականությունը հեռու է այն կյանքից, որը մեզ ցուցադրում են հեքիաթներում: Բայց դա չի նշանակում, որ չարժե դրան ձգտել: Դուք միշտ երազել եք ամուսնու մասին, ով ձեզ համար հեքիաթային արքայազն կդառնար, այնպիսի ամուսնու մասին, ով չի ամաչում ռոմանտիկ լինել:
8. Ամենանվիրված երկրպագու
Լավ ամուսինը ձեր ամենանվիրական երկրպագուն է, ով ձեզ մղում է գնալ դեպի երազանքն ու դրա իրականացումը: Նա շարունակում է հավատալ ձեզ, երբ մնացած բոլոր մարդիկ դադարել էին դա անել: Այդպիսի տղամարդը նշում է ձեր մեծագույն հաջողություններն ու ձեռքբերումները: Բացի դրանից, նա անպայման կկանգնի ձեր կողքին, երբ ձեր նպատակները կյանքի կկոչվեն:
Նյութը հրապարակման պատրաստեց 168.am-ը
