ԳԴՀ-ին իշխանությունները Լիմբուրգի միջադեպը գնահատում են որպես ահաբեկչական գործողություն. ZDF
Գերմանիայի իշխանությունները Լիմբուրգ-ան-դեր-Լան քաղաքում (Հեսսենի դաշնային երկրամաս) տեղի ունեցած միջադեպը գնահատում են որպես ահաբեկչական գործողություն: Այդ մասին հայտնել է ZDF հեռուստաալիքը:
Նախօրյակին բեռնատար մեքենան հարվածել է լուսացույցի մոտ կանգնած մարդատար ավտոմեքենաներին, տուժել է առնվազն 17 մարդ: Ինչպես պարզվել է, ավտոմեքենան գողացված էր, վարորդը ձերբակալվել է արտակարգ պատահարի վայրում:
Հեռուստաալիքի տվյալներով՝ ենթադրյալ կասկածյալը Գերմանիա է ժամանել Սիրիայից, նա 30 տարեկան է: Հետաքննությունը վարում է Մայնի Ֆրանկֆուրտի դատախազությունը:
Տուժածներից յոթը շարունակում են մնալ հիվանդանոցում: Նրանցից մեկն օրհասական վիճակում է: Կասկածյալն ինքը աննշան վնասվածքներ է ստացել, հաղորդել է ՏԱՍՍ-ը:
