586 միլիոն դրամի ներդրումային ծրագրի դիմաց տրվեց հերթական հարկային արտոնությունը
Կառավարությունը հոկտեմբերի 3-ի նիստում հարկային արտոնություն տվեց Արագածոտնի մարզում տրիկոտաժի արտադրությամբ զբաղվող «ՍԱԹԵՆԿԱՐ» ընկերությանը։
Նշենք, որ գործադիրն այս ընկերությանն արդեն մեկ անգամ 286.5 միլիոն դրամի ներդրման ծրագրի դիմաց տվել է ավելացված արժեքի հարկը 3 տարով հետաձգելու արտոնություն։
«ՍԱԹԵՆԿԱՐ»-ը, սակայն, ընդլայնել է իր ներդրումների չափը՝ այն հասցնելով 586 միլիոն դրամի, ուստի կառավարությունը երկրորդ անգամ ընկերությանը տվեց հարկային արտոնություն։
Նշենք, որ ներդրումային ծրագրի շրջանակում ընկերությունում ստեղծվել է 14 նոր աշխատատեղ:
ԱՂԱՎՆԻ ՍՈՒՔԻԱՍՅԱՆ
