ԱՄՆ-ի պատժամիջոցները չեն ազդել Իրանում գազի արդյունահանման վրա
ԱՄՆ-ի պատժամիջոցները չեն ազդել Իրանում գազի արդյունահանման եւ շինարարական նախագծերի վրա: Այդ մասին հայտարարել է Իրանի նավթի նախարար Բիժան Նամդար Զանգանեն:
«Պատժամիջոցները չեն ազդել մեր արդյունահանման եւ շինարարական նախագծերի վրա: Այս տարի մենք Իրանի հարավային մասում գտնվող հանքավայրից գազի արդյունահանումը կավելացնենք օրական մինչեւ 70 մլն խորանարդ մետր: Պատժամիջոցները ոչ մի կերպ չեն ազդում այդ նախագծի եւ հարավային տարածաշրջանում մեր արդյունահանման վրա»,-ասել է նախարարը, հաղորդել է ՏԱՍՍ-ը:
