Նորաշենի ղեկավարին ոստիկանությունում իրավիճակի լուծման տարբերա՞կ են առաջարկել
Ինչպես արդեն տեղեկացրել ենք, Արարատի մարզի Նորաշեն համայնքի ղեկավար Նորայր Գրիգորյանին մարզպետ Գարիկ Սարգսյանի հետ հանդիպումից հետո հրավիրել էին ոստիկանություն: Ավելի ուշ հայտնի դարձավ, որ Ն. Գրիգորյանին ոստիկանությունից հետո հրավիրել են մարզի դատախազություն։
Լրագրողների հետ զրույցում Նորայր Գրիգորյանն ասաց, որ ոստիկանությունում իրեն հարցրել են, թե ինչպես է տեսնում հարցի լուծումը։ «Առաջարկել են մի քանի տարբերակ, օրինակ՝ որ հաշտվենք ներկայիս ԺՊ-ի հետ և հաջորդ տարի գնանք ընտրությունների»,- նշեց նա՝ հավելելով, որ իր համար ընդունելի տարբերակն այն կլինի, որ ինքը շարունակի կատարել համայնքապետի պարտականությունները, իսկ հաջորդ տարի լինի ընտրություններ։
Զվարթ Խաչատրյան
