«Մեզանից ոչ մեկը չի սիրում պարտվել». Մեսսին՝ Ռոնալդուի մասին
«Բարսելոնայի» հարձակվող Լիոնել Մեսսին խոսել է իր մրցակից «Յուվենթուսի» հարձակվող Կրիշտիանու Ռոնալդուի մասին:
– ՈւԵՖԱ-ի՝ վերջերս կայացած մրցանակաբաշխության ժամանակ շատ ընկերական էիք շփվում Կրիշտիանու Ռոնալդուի հետ: Ի՞նչ եք կարծում, ինչո՞ւ են մարդիկ զարմանում, երբ տեսնում են, թե ինչպես եք միմյանց հետ շփվում:
– Վերջին մի քանի տարիներին մեր միջև զարգացած մեծ սպորտային մրցակցության պատճառով: Մեզանից մեկը խաղում էր «Բարսելոնայի» համար, իսկ մյուսը ՝ «Ռեալի» կազմում: Եվ նաև այն պատճառով, որ մենք շահեցինք շատ անհատական մրցանակներ:
Մարդիկ կարծում են, որ մեր մրցակցությունը ֆուտբոլից դուրս է, բայց այդպես չէ : Մենք երկուսս էլ ցանկանում ենք այն, ինչը լավագույնն է մեր թիմերի համար, և մեզանից ոչ մեկը չի սիրում պարտվել:
Սա այն է, ինչ մենք չենք ընդունում: Այդ իսկ պատճառով մեր միջև կա այդպիսի մրցակցություն: Կարևորն այն է, որ նա այնտեղ է մնում՝ դաշտում»,- ասել է Մեսսին:
Սիրարփի Աղաբաբյան
