Բնակարանի խոհանոցում և պատշգամբում այրվել են մոտ 4 քմ պաստառ, գրքեր և տարբեր կենցաղային իրեր
Սեպտեմբերի 24-ին, ժամը 18:29-ին «911» ծառայություն ահազանգ է ստացվել, որ հրդեհ է բռնկվել Գեղարքունիքի մարզի Սևան քաղաքի Սարգիս Սևանեցի փողոցի թիվ 15 շենքի բնակարաններից մեկում։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 19։03-ին, մարվել՝ 19։10-ին։ Բնակարանի խոհանոցում և պատշգամբում այրվել են մոտ 4 քմ պաստառ, գրքեր և տարբեր կենցաղային իրեր։
