Վիտալի Բալասանյանը հրավիրվե՞լ է ՀՔԾ
Շրջանառվող լուրերի համաձայն՝ ՀՀ Հատուկ քննչական ծառայությունը հարցաքննության կանչելու մասին ծանուցագիր է ուղարկել Արցախի հերոս, գեներալ-մայոր Վիտալի Բալասանյանին՝ Մարտի 1-ի հայտնի իրադարձություններին առնչվող գործով: Ըստ նույն աղբյուրի՝ նա դեռևս չի հարցաքննվել:
Մեզ հետ զրույցում, սակայն, Վիտալի Բալասանյանն ասաց, որ ինքը որևէ ծանուցագիր չի ստացել և տեղյակ չէ, թե ինչի մասին է խոսքը:
Թեմայի առնչությամբ 168.am-ը մեկնաբանություն խնդրեց ՀՔԾ մամուլի խոսնակ Մարինա Օհանջանյանից: ՀՔԾ մամուլի խոսնակը, սակայն, չմեկնաբանեց լուրը՝ նշելով, որ հարցաքննության հետ կապված մեկնաբանություններ չեն տալիս:
Զարուհի Դիլանյան
