Լուկաշենկոն Բոլթոնին առաջարկել է Մինսկի և Վաշինգտոնի հարաբերություններն սկսել մաքուր էջից
Բելառուսի նախագահ Ալեքսանդր Լուկաշենկոն ԱՄՆ-ին առաջարկում է բելառուս-ամերիկյան հարաբերություններն սկսել մաքուրէջից: Այդ մասին նա հայտարարել է ԱՄՆ-ի նախագահի ազգային անվտանգության հարցերով օգնական Ջոն Բոլթոնի հետ օգոստոսի 29-ին Մինսկում կայացած հանդիպմանը:
«Չնայած ողջ աղմկարարությանը ձեր ուղեւորության շուրջ, այստեղ դրական շատ բան կա, հատկապես Բելառուսի համար: Դրականն այն է, որ մենք մշտապես ԱՄՆ-ի հետ մեր հարաբերությունների վատանալուց հետո առաջարկել ենք փակել այդ վատ էջը եւ սկսել նոր էջից»,-ասել է Լուկաշենկոն:
Բելառուսի նախագահը Բոլթոնի այցը Մինսկ համարել էպատմական, բայց հիշեցրել է, որ դրանից առաջ ԱՄՆ-ից հանրապետություն են ժամանել բազմաթիվ փորձագետներ եւ մասնագետներ, որոնց հետ ինքն անձամբ է հանդիպել: «Բայց նման նշանավոր եւ բարձրաստիճան անձինք Բելառուսում վաղուց չէին եղել: Եվ նաեւ դրանում է այցի պատմականությունը»,-ասել է Լուկաշենկոն:
Նախագահը Բոլթոնին առաջարկել է «անկեղծորեն, նույնիսկ բարեկամաբար, քննարկել հարաբերությունների բոլոր հարցերը, թող որ դրանք Բելառուսի համար նույնիսկ տհաճ լինեն», հաղորդել է ՏԱՍՍ-ը:
