«Երբ կհրապարակենք, փաստաթղթում կտեսնեք` ինչի համար է փոփոխվում». Բադասյանը՝ Սահմանադրական փոփոխությունների մասին
ՀՀ կառավարությունն առաջիկայում կհրապարակի դատաիրավական բարեփոխումների նախագիծը, փոխգործողությունների ծրագիրը, որտեղ սահմանված կլինի նաև սահմանադրական բարեփոխումների ուղղությունները: Այս մասին այսօր կառավարության նիստից հետո լրագրողների հետ զրույցում հայտարարեց ՀՀ արդարադատության նախարար Ռուստամ Բադասյանը:
Հարցին՝ սուպերվարչապետական համակարգից հրաժարվելո՞ւ եք, Ռ.Բադասյանը պատասխանեց. «Երբ կհրապարակենք, փաստաթղթում կտեսնեք` ինչի համար է փոփոխվում»:
Նա վստահեցրեց, որ աշխատանքային հանձնաժողովը կլինի քաղաքականապես լիովին չեզոք:
