«Պարտավոր էինք ավելի շատ գոլեր խփել». Վարդան Մինասյան
Երևանի «Արարատ-Արմենիա» ֆուտբոլային ակումբի գլխավոր մարզիչ Վարդան Մինասյանի կարծիքով Եվրոպայի լիգայի որավորման երկրորդ փուլի «Լինկոլն Ռեդ»-ի դեմ խաղում հարկավոր էր ավելի շատ գոլեր խփել:
«Կարող էինք և պարտավոր էինք ավելի խոշոր հաշվով հաղթեինք: Բայց չիրացրեցինք մեր ունեցած պահերը: Եվ ես դա կապում եմ ոչ թե վարպետության, այլ՝ անուշադրությանը պակասի հետ: Հակառակորդ թիմն ավելի շատ էր պաշտպանվում: Եվ մեզ համար դա սպասելի էր: Պաշտպանվելն ավելի հեշտ է, քան՝ հարձակվել»,- լրագրողների հետ հանդիպման ժամանակ ասաց Մինասյանը:
Վերջինիս խոսքով՝ խաղի ելքի վրա իր ազդեցությունն ունեցավ եղանակային տոթ պայմանները: «Երկրորդ կեսում մենք սկսեցինք կիսատ գործել՝ կիսատ փոխանցումներ, կիսատ պաշտպանություն: Դրա համար էլ գուցե մենք արժանի չէինք երրորդ կամ չորրորդ գոլին»,-ասաց նա:
Ֆուտբոլի Եվրոպայի լիգայի որակավորման երկրորդ փուլում «Արարատ-Արմենիա»-ն հյուրընկալեց «Լինկոլն Ռեդ»-ին և հաղթեց երկու գնդակի առավելությամբ:
