Սերենա Ուիլյամսը հաղթել է Ուիմբլդոնի երկրորդ շրջանում
ԱՄՆ-ը ներկայացուցիչ թենիսիստ Սերենա Ուիլյամսը Ուիմբլդոնի հաջորդ փուլում է:
Կանանց մենախաղի 2-րդ շրջանում Ուիլյամսն ուժերն էր չափում Սլովենիայից Կայա Յուվանի հետ: 1 ժամ 36 րոպե ձգված մրցախաղից հետո ամերիկուհին հաղթեց 3 սեթերից հետո 2:6, 6:2, 6:4 հաշվով:
Ուիմբլդոնը «Մեծ սաղավարտ»-ի տարվա 4 մրցաշարերից մեկն է (նաև Ավստրալիայի բաց առաջնություն, Ֆրանսիայի բաց առաջնություն, ԱՄՆ-ի բաց առաջնություն): Այն ամենահին և ամենահեղինակավորն է թենիսի աշխարհում: Մրցաշարն անցկացվում է 1877 թվականից ի վեր և միակն է խոտածածկի վրա: Արդեն 133-րդ անգամ անցկացվող Ուիմբլդոնի մրցանակային ֆոնդը կազմում է 34 միլիոն ֆունտ սթերլինգ: Ուիմբլդոնում ամենաշատը հաղթել է շվեյցարացի Ռոջեր Ֆեդերերը (8 անգամ): Տղամարդկանց մենախաղի գործող չեմպիոնը սերբ Նովակ Ջոկովիչն է, իսկ կանանց մրցաշարում`Անժելիկա Քերբերը:
