Թբիլիսիում 240 մարդ է տուժել բողոքի ակցիաների ընթացքում
Թբիլիսիում 240 մարդ է տուժել հունիսի 20-ին տեղի ունեցած բողոքի ակցիաների ընթացքում, նրանցից 102-ը մնում են բժշկական հաստատություններում: Այդ մասին հայտնել է Վրաստանի առողջապահության փոխնախարար Զազա Բոխուան:
«Ընդամենը ակցիաների ընթացքում տուժել է 240 մարդ, որոնցից 102-ը՝ կլինիկաներում են»,-նրա խոսքը մեջբերել է Վրաստանի Առաջին ալիքը:
Բոխուայի խոսքով՝ տուժածներից 80-ը ոստիկաններ են: Այժմ վիրաբույժները վիրահատում են երկու վիրավորների: Տուժածներից մեկի վիճակը կայուն ծանր է, հաղորդել է ՏԱՍՍ-ը:
