Կենտրոնական բանկը մասամբ կվերականգնի Տիգրան Սարգսյանի օրոք վաճառված 1.5 տոննա ոսկին
«Դեռևս Տիգրան Սարգսյանի օրոք ԿԲ ոսկու պաշարն իրացվեց՝ համարելով դա տվյալ ժամանակաշրջանի համար ձեռնտու գործարք: Քայլեր արվո՞ւմ են արդյոք այդ պաշարը վերականգնելու համար, այս պահի դրույթամբ ԿԲ-ն ի՞նչ պահուստներ է տնօրինում»,- shantnews.am-ի փոխանցմամբ՝ ԱԺ-ում՝ դինմելով ԿԲ նախագահ Արթուր Ջավադյանին, հարցրեց «Բարգավաճ Հայաստան» խմբակցության պատգամավոր Սերգեյ Բագրատյանը:
Ի պատասխան Արթուր Ջավադյանն ասաց. «1.6 տոննա ոսկի ենք ունեցել բանկային, վաճառելու իմաստը եղել է երկակի, գները աճել են, և բյուջեի եկամուտների խնդիր կար, ընդունվել է որոշումը, քանի որ ոսկի տնօրինելուց շահույթ չէինք ստանում, ներդրվել է, շահույթ ունեցել ենք: Դրանից հետո աշխատանքներ են տարվել, ու ոսկին դարձել է շատ ոչ հուսալի ակտիվ, գները մեծ փոփոխության են ենթարկվում, և այսօր կան շատ ավելի հուսալի գործիքներ»:
Ըստ նրա, արդեն երկու տարի աշխատանք է տարվում շվեյցարական հեղինակավոր ընկերության հետ և Հայաստանում շուտով կբացվի ոսկու աֆինաժի գործարան:
Նրա խոսքով՝ ոսկի արտահանողներն այդպիսով հնարավորություն կունենան ոչ թե արտահանել, այլ՝ կամ հանձնել այդ գործարանին և ստանալ բանկային ձուլակտոր, կամ վաճառել այն, պետությունն էլ հնարավորություն կունենա հայկական դրամով, ազգային արժույթով գնել շուկայից:
ԿԲ-ն էլ կարող է լինել լուռ բաժնետեր, որը կբերի պրոբլեմի լուծմանը:ԿԲ նախագահն ընդունեց, որ ոսկու որոշակի պաշար նախատեսվում է վերականգնել :
