Մալիում գրեթե 100 մարդ է զոհվել զինյալների հարձակման հետևանքով
Մալիի կենտրոնական մասի ոչ մեծ բնակավայրում անհայտ զինյալների հարձակման զոհ է դարձել 95 մարդ: Այդ մասին հայտնել է France 24-ը: Եվս 19 մարդ անհայտ կորած է համարվում:
Հեռուստաալիքի տվյալներով, որը վկայակոչում է տեղի իշխանությունների հայտարարությունը, մի խումբ զինյալներ, նախ, հրկիզել են Սոբալեկու բնակավայրի տները, իսկ հետո, երբ մարդիկ սկսել են դուրս վազել ու փորձել փրկվել կրակից, զինյալները կրակ են բացել:
Միջադեպը տեղի է ունեցել կիրակի երեկոյան, բայց դրա մասին տեղեկացվել է երկուշաբթի օրը:
Առայժմ խմբավորումներից ոչ մեկը չի ստանձնել հարձակման պատասխանատվությունը, հաղորդել է «Ինտերֆաքս»-ը:
