Թուրքիայում 2018-ին գրանացվել է անաչափահասների դեմ սեռական բռնության 18․290 դեպք
Թուրքիայում վերջին 7 տարում տեղի ունեցած հանցագործությունների վիճակագրության վերաբերյալ զեկույց է հրապարակվել։ Այն նախապատրաստել է Թուրքիայի արդարադատության նախարարությանն առընթեր քրեական գործերի ռեեստրի և վիճակագրության գլխավոր վարչությունը։ Այս մասին տեղեկացնում ermenihaber.am-ը:
Ըստ այդմ՝ 2011թ․ Թուրքիայում 5 մլն 384 մարդ տարբեր քրեական գործերով անցել է «կասկածյալի» կարգավիճակով։ 7 տարվա ընթացքում այդ ցուցանիշն ամեն օր աճել է։ 2018թ․ դրությամբ «կասկածյալների» թիվը երկրում կազմում էր ադեն 8 մլն 892․000, որոնցից 85․1 տոկոսը տղամարդիկ են, 14.9 տոկոսը՝ կանայք։ Այդ կասկածյալների 97․6 տոկոսը Թուրքիայի քաղաքացիներ են, 2․4 տոկոսը՝ օտարերկրացիներ։
Թուրքիայի գլխավոր հանրապետական դատախազության կողմից անցկացված հետաքննությունների վերաբերյալ արձանագրվել է, որ նյութական հանցագործությունների շարքում ամենից շատ (48․5 տոկոս) գրանցվել են կողոպուտի, ամենից քիչ (17․4 տոկոսը)՝ խաբեբայության դեպքերը։ Անձնական անձեռնմխելիության դեմ կատարված հանցագործությունների շարքում դիտավորյալ առողջությանը վնաս հասցնելու դեպքեր (52․9 տոկոս) գերակշռել են անզգուշությամբ առողջությանը վնաս հասցնելու դեպքերի նկատմամբ (12 տոկոս)։
Սեռական բնույթի հանցագործությունների շարքում չափահասների դեմ սեռական ոտնձգության դեպքերը (52․4 տոկոս) գերակշռել են անչափահասների հետ սեռական հարաբերություն ունենալու դեպքերին (3․7 տոկոս): Իսկ սպանությունների շարքում դիտավորյալ սպանությունները գերակշռել են անզգուշությամբ կատարված սպանություններին՝ 50․4 տոկոս / 46․6 տոկոս հարաբերակցությամբ։
2011-2018թթ․ երեխաների սեռական շահագործման հիմքով հարուցված քրգործերի թիվն ուսումնասիրելիս արձանագրվել է, որ մինչև 2014թ․ այս հանցագործությունների թիվն աճել է, 2015-2016թթ․ հանցագործությունների թվի որոշակի անկում է գրանցվել։ Սակայն 2017թ․ վերստին աճ է գրանցվել, իսկ ամենամեծ ցուցանիշը արձանագրվել է 2018թ․՝ 18․290 դեպք։
