«Աշխարհը Չեմպիոնների լիգայի եզրափակիչում ակնկալում է «Լիվերպուլի» հաղթանակը». Կլոպ

«Լիվերպուլի»  գլխավոր մարզիչ Յուրգեն Կլոպը խոսել է Չեմպիոնների լիգայի եզրափակչում «Տոտենհեմի» հետ հանդիպման մասին:

«Մենք բոլորս ուրախ ենք, որ կրկին հնարավորություն կունենանք: Մեկ տարի առաջ մենք խաղում էինք եզրափակիչում և ձեռք բերեցինք փորձ: Թերևս, այս անգամ մենք ավելի փորձառու կլինենք, քան մրցակիցը, բայց դա մեծ դեր չի խաղա:

Տարբեր իրավիճակներ հաղթահարելու ունակությունը մեզ բերեց եզրափակիչ: Մենք վերահսկում ենք մեր զգացմունքները: Այս պահին ամեն ինչ պարզապես հրաշալի է: Մենք շատ ուրախ ենք, որ կրկին հասել ենք եզրափակիչ, այսինքն, հասել ենք նրան, ինչի մասին երազում էինք մեկ տարի առաջ:

«Բարսելոնայի» հետ երկու հանդիպումների միջև այդ հինգ-վեց օրվա ընթացքում ոչ ոք այդ թիմին ավելի շատ չէր հավատում, քան հենց իրենք: Ահա թե ինչու մենք այստեղ ենք: Սա զարմանահրաշ իրավիճակ է:

Ես երբեք չեմ խաղացել եզրափակիչում ավելի ուժեղ թիմով, քան իմ ներկայիս թիմն է: Դա ճիշտ է, չնայած իմ մյուս թիմերը շատ լավ էին: Ես զարմացած չեմ, քանի որ իմ տղաներն աշխատանքի և տաղանդի մեծ համադրություն ունեն: Դա այն համադրությունն է, որը մեզ բերեց այնտեղ, որտեղ մենք հիմա ենք:

Խմբային փուլում մենք խնդիրներ ունեցանք տնային հանդիպումներում, բայց դրանից հետո թիմը դրսում շատ լավ է խաղում: Այո, Բարսելոնայում դա չաշխատեց, բայց «Բավարիայի» և   «Պորտուի» դեպքում ամեն ինչ լավ էր: Համոզված եմ, որ մենք դա կարող ենք անել կրկին:

Այս թիմի բնույթի հիմնական առանձնահատկություններից մեկը մշտական զարգացման պատրաստակամությունն է: Որպես օրինակ՝ ես կարող եմ մեջբերել Ջեյմս Միլներին: Նա 33 տարեկան է, բայց նա դեռ զարգանում է արագ տեմպերով`օգտագործելով իր անհավատալի հատկությունները կարևոր պահերին: Նրանք միշտ վճռական են հաջորդ քայլը կատարելու համար:

Ես շատ ուրախ եմ, որ այս տղաներին հնարավորություն տվեցինք ինչ-որ արժեքավոր բան շահել: Այն փաստը, որ մենք կրկին եզրափակչում ենք, խոսում է միայն  տղաների կամքի մասին: Նրանցից յուրաքանչյուրը կարևոր դեր խաղաց, քանի որ դա մեզ համար հեշտ չէր:

Մենք ունենք իսկական եվրոպական եզրափակչի զգացում: Այն փաստը, որ երկու անգլիական թիմեր են խաղում, ոչնչի վրա չի ազդում: Սա ամենաբնական եվրոպական գավաթի եզրափակիչն է: Հենց նման մոտեցում ունի «Տոտենհեմը», հենց նման մոտեցում ունենք մենք:

Եզրափակիչում արժանին ոչ միշտ է հաղթում; Պետք է պատրաստ լինենք, որ մենք ինքներս կարողանանք սխալներ թույլ չտալ: Մենք սպասում ենք կարևոր հանդիպմանը, որը կցուցադրվի ամբողջ աշխարհով:

Ցավալի է եզրափակչում պարտվելը: Այն նման է դեղի, որը զզվելի է, բայց օգնում է: Այն բերում է ձեզ դեպի կյանք: Դա կարելի է օգտագործել՝ որպես լրացուցիչ մոտիվացիա, որը մենք արեցինք: Հետևաբար՝ ներկայիս տեսանկյունից, անցյալ տարվա եզրափակչի պարտությունն այնքան էլ վատ չէր:

Աշխարհը սպասում է մեր հաղթանակին եզրափակչում: Ես իսկապես ցանկանում եմ դա իմ խաղացողների և մեր մեծ ակումբի համար: Չեմպիոնների լիգայի գավաթը կդարձնի իսկապես երջանիկ»,- ասել է Կլոպը:

Սիրարփի Աղաբաբյան