Ի՞նչ է սերը Կենդանակերպի նշանների համար

Խոյ

Ձեր բոլոր արարքները՝ ուղղված այն բանին, որ զուգընկերոջը երջանիկ դարձնեն,  բնորոշում են ձեր սերը։ Դուք բնածին առաջնորդ եք, ով սիրում է մրցակցություն ու միշտ արագ է գործում։ Դա չի կարող չազդել սիրո ձեր ընկալման վրա։ Դուք ոչ մի հնարավորություն բաց չեք թողնում՝ ձեր զուգընկերոջը ցույց տալու համար, թե ինչքան եք սիրում նրան։ Դուք ձեր սերը գործով եք արտահայտում, այլ ոչ թե խոսքով, և նույնն էլ սպասում եք ի պատասխան։ Պարզ ասած, ձեզ պետք է փոխադարձություն, այլ ոչ թե մեկ դարպասով խաղ։

Ցուլ

Եթե ձեզ համար հարմարավետ է տվյալ մարդու հետ, ուրեմն դա սեր է։ Հարմարավետության ու սիրո զգացողությունը ձեզ համար հոմանիշներ են, դրա համար էլ դուք երբեք չեք ափսոսում այն ժամանակը, որն անց եք կացնում սիրելիի հետ։ Դուք երբեմն ձեզ անպաշտպան եք զգում, այդ պատճառով էլ սիրելի մարդու հետ անվտանգ վայրի առկայությունը ձեզ համար շատ կարևոր է։

Երկվորյակ

Դուք մեծ նշանակություն եք տալիս ի սրտե ու ռոմանտիկ զրույցներին։ Ձեր զուգընկերոջ հետ շփումը հարաբերությունների ձեր ընկալման անբաժանելի մասն է։ Թեպետև դուք կարող եք թեթևամիտ թվալ, իրականում դուք բավականին պրակտիկ եք ու փորձում եք վերլուծել այն ամենը, ինչ ձեզ հետ տեղի է ունենում։ Դուք շատ զրուցասեր եք, և սիրելիի հետ ձեր հարաբերություններում գործնականորեն երբեք լռությունը թագավորել չի կարող։ Դուք երկուսով միշտ էլ խոսելու բան ունեք, և հենց դա էլ ձեզ համար իսկական սիրո ապացույցն է։

Խեցգետին

Որպես կրքոտ ու էմոցիոնալ մարդ՝ ձեզ դուր է գալիս սիրելիի հետ մեկուսի ժամանակ անցկացնելը, քանի որ միայն այդպես դուք իսկապես կարող եք թուլանալ։ Կյանքը ձեզ առել է իրադարձությունների հորձանուտի մեջ, և սեր գտնել՝ ձեզ համար նշանակում է՝ գտնել այն մարդուն, ով ձեզ օգնում է հանգստություն գտնել։ Ձեզ պետք է մարդ, ով ձեզ կօգնի կայունություն ձեռք բերել անգամ այն իրավիճակներում, երբ ձեր զգացմունքները սկսում են իշխել ձեզ։ Ձեր ընկալմամբ դա իսկական սեր է, և դուք ավելի շուտ ձեր ազատ ժամանակը սիրելիի հետ կանցկացնեք, քան թե ծովափ կգնաք։

Առյուծ

Դուք մի քիչ երես առած եք, դրա համար էլ սերը ձեզ մոտ արտահայտվում է թանկ կենսակերպով։ Թեպետև դուք ինքնավստահ եք, ձեզ, միևնույն է, դուր է գալիս, երբ ձեզ երես են տալիս նվերներով ու թանկ տեղեր են տանում։ Ձեզ համար հաճելի է, երբ ձեզ խնամում են։ Դուք սպասում եք, որ սերը մի ֆիլմ դուրս կգա, որում գլխավոր դերը, իհարկե, ձեզ կտրվի։ Ձեր հերթին՝ դուք պատրաստ եք ձեր զուգընկերոջը պատասխանել փոխադարձությամբ ու երես տալ նրան։

Կույս

Կյանքում և սիրո մեջ դուք մեծ նշանակություն եք տալիս համեստ ժեստերին։ Դուք միշտ նկատում եք նույնիսկ ամենամանր դետալները, և ձեզ դուր է գալիս ձեր զուգընկերոջը սիրով շրջապատելը։ Ձեզ հաճույք են պատճառում նույնիսկ ամենակենցաղային զբաղմունքները, օրինակ՝ բազմոցին միասին պառկած՝ սերիալ նայելը։ Ձեզ համար կարևոր է նվիրվածությունը, և եթե դուք վստահում եք ձեր զուգընկերոջը ու կարող եք նրա վրա հույս դնել, ապա ձեզ համար միևնույն կլինի, թե դուք միասին ինչով զբաղվեք։

Կշեռք

Առանց խաղաղության սեր ձեզ համար գոյություն չունի։ Ձեզ համար կարևոր է գտնել այնպիսի մարդու, ում հետ կապված կլինի ձեր հոգին, և ով ձեզ անդորրի ու հանգստության զգացողություն կտա։ Նրա կողքին դուք ձեզ կզգաք՝ ինչպես տանը, և կարևոր չէ, թե դուք որտեղ եք գտնվում։ Գիշերային երկնքով, աստղերով զմայլվելով ու տարբեր թեմաների շուրջ զրույցներ վարելով՝ դուք ձեր զուգընկերոջն ավելի մոտ եք դառնում, քան երբևէ։

Կարիճ

Միայն սիրո մասին միտքը ձեզ ոգեշնչում է։ Դուք անկեղծորեն հավատում եք, որ սերը ձեզ կնվիրի առավել արժեքավոր հիշողություններ ձեր կյանքում։ Ձեզ դուր է գալիս սերը վայելել ձեր զուգընկերոջ հետ։ Դուք լրջորեն եք վերաբերվում ձեր հարաբերություններին և երբեք չեք դավաճանի ձեր զուգընկերոջը։ Դուք պլանավորում եք այդ մարդու հետ երկար տարիներ անցկացնել։ Դուք միասին ծիծաղում եք, շփվում հետաքրքիր թեմաներով ու միմյանց համար պատասխանատվություն եք կրում։

Աղեղնավոր

Հաշվի առնելով ձեր անկախությունը՝ ոչինչ ձեզ մոտ այնպիսի զզվանք չի հարուցում, որքան վանդակի մեջ փակված լինելու հեռանկարը։ Չնայած դրան՝ դուք, միևնույն է, լրջորեն եք տրամադրված, երբ հարցը վերաբերում է սիրուն։ Դուք պատկերացնում եք, որ սերը կգերազանցի ձեր սպասումները։ Ձեր զուգընկերը պետք է նաև ձեր լավագույն ընկերը լինի։ Ձեզ պետք են կատակներ, որոնք միայն դուք երկուսով կհասկանաք, ինչպես նաև անհրաժեշտ են համատեղ պլաններ ու հնարավոր արկածներ։

Այծեղջյուր

Սերը ձեզ համար ինչ-որ ավանդական բան է նշանակում։ Ձեզ դուր չեն գալիս իրավիճակներ, որոնցում դուք հայտնվում եք խոցելի դրության մեջ։ Դուք ձեր կյանքին մեծ պատասխանատվությամբ եք մոտենում ու նախընտրում եք ամեն ինչ լավ կշռադատել նախքան սիրահարվելը։ Ձեզ դուր է գալիս ձեր զուգընկերոջ հետ ավանդույթներ ստեղծել։ Ձեզ համար մեծ նշանակություն ունեն համատեղ կյանքի՝ առաջին հայացքից՝ այնպիսի սովորական, կենցաղային ծեսեր, ինչպիսին են ամեն ուրբաթ համատեղ ընթրիքները, լեռներում ամենամյա հանգիստը, հինգշաբթի օրերը տուն կերակուր պատվիրելը, և այլն։ Այս ամենը ձեզ ստիպում է զգալ, որ դուք ձեր զուգընկերոջ հետ մի ընտանիք եք դառնում։

Ջրհոս

Ձեզ համար փոխհասկացվածությունը սիրո համար անկյունաքարային տարր է։ Ձեր զուգընկերը պետք է հասկանա նույնիսկ ձեր բնավորության այն կողմերը, որոնք շրջապատողների համար գաղտնիք են մնում։ Դուք ղեկավարվում եք ծայրահեղ մտածողությամբ ու գիտելիքների ծարավով և ուզում եք այնպիսի զուգընկեր գտնել, ում հետ դուք միշտ ինչ-որ նոր բան կսովորեք։ Սերը ձեզ համար փազլ է, և դուք ուզում եք ձեր կյանքի մնացած մասն անցկացնել այն հավաքելով։

Ձկներ

Սիրո մասին ձեր պատկերացումների վրա ազդել է դեռահասների համար նախատեսված յուրաքանչյուր ընթերցված գիրք։ Ձեր բարձր զգայունությամբ ու փափկությամբ սիրո տեսլականը հիմնված է արվեստի ու ստեղծագործելու վրա։ Ձեր կանխազգացումը շատ զարգացած է, և դա նկատելի է այն բանից, թե ինչ եղանակներով եք դուք արտահայտում ձեր զգացմունքները։ Սերը ձեզ հնարավորություն է տալիս ապրել ներդաշնակության մեջ ու ձեզ զգալ այնպես, ասես դուք գտնվում եք հենց այնտեղ, ուր և պետք է գտնվեիք։

Նյութը հրապարակման պատրաստեց 168.am-ը