«Փաշինյանին` իր իսկ մեղքով նսեմացնելու ավելի հաջող քայլ քան Քոչարյանի արձակումն է` չէր կարող լինել»․ քաղաքագետ
Քաղաքագետ Հայկ Մարտիրոսյանը ֆեյսբուքյան իր էջում գրում է. «Փաշինյանին` իր իսկ մեղքով նսեմացնելու ավելի հաջող քայլ քան Քոչարյանի արձակումն է` չէր կարող լինել:
Փաշինյանի իշխանությունն ակնհայտորեն անմեղսունակ վարքագիծ է դրսևորում, որ թույլ է տալիս նախկին ռեժիմի ռևանշ:
Սրանից հետո ինչ էլ որ անի իշխանությունը` մի բան փաստ է. Նիկոլ Փաշինյանը մսխել է իրեն տրված հեղափոխության մանդատը, ոտնատակ տվել հեղափոխության գաղափարը և ինքն իրեն տապալել` տապալելով նաև ժողովրդի հաղթանակը:
Ստեղծվել է մի անհեթեթ իրավիճակ, երբ Փաշինյանի անկարողության և մոլորվածության արդյունքում ստիպված ենք պաշտպանել նրան անվերապահորեն այն ուժերից, որոնց չեզոքացնելու մանդատ էինք տվել նրան: Հասկանալով, որ վարչապետը չի կարողանում կառավարել` ստիպված ենք սատարել նրան այս պայքարում, որը հենց նրա անկարողության արդյունքն է: Դժվար է ասել թե որ պահանջն է հիմա առավել անհրաժեշտ. Փաշինյանի հեռացումը՞ թե՞ նրան անվերապահ սատարելն այս փուլում:
Ամեն դեպքում այս վարչապետն այլևս չի կարող կառավարել:
Իր թավիշով նա նախևառաջ խեղդում է սեփական ժողովրդին և նրան նետում քաղաքական անտեղի և խիստ վտանգավոր ցնցումների մեջ»:
Փաշինյանին` իր իսկ մեղքով նսեմացնելու ավելի հաջող քայլ քան Քոչարյանի արձակումն է` չէր կարող լինել:Փաշինյանի…
Gepostet von Hayk A. Martirosyan am Samstag, 18. Mai 2019
