Սեբաստիան Կուրցը հրաժարվում է աշխատել փոխկանցլերի հետ. պատճառը սկանդալային տեսագրությունն է
Ավստրիայի կանցլեր Սեբաստիան Կուրցը հրաժարվում է աշխատել փոխկանցլեր Հայնց-Քրիսթիան Շտրախեի հետ՝ վերջինիս մասին հրապարակված սկանդալային տեսագրության պատճառով: Փոխկանցլերը պաշտոնաթող կլինի: Այս մասին տեղեկացնում է Vesti.ru-ն: Հրապարակված տեսագրությունում փոխկանցլերը հանդիպել է ռուս օլիգարխ Ալեն Մակարովի զարմուհու հետ, որի ընթացքում խոսվել է կուսակցությանն անօրինական փոխանցումների մասին, ինչպես նաև կառավարական գործարքների առնչությամբ փոխադարձ երաշխիքների վերաբերյալ: Խոսակցությունը տեղի է ունեցել երկու տարի առաջ, խոսքը 250 մլն եվրո նվիրաբերության մասին:
Տեսանյութի հեղինակը հայտնի չէ, լրատվամիջոցները ենթադրում են, որ հնարավոր է դա կազմակերպվել է փոխկանցլերի օգնականներից մեկի աջակցությամբ:
Նշվում է, որ Շտրախեի տեղը կարող է զբաղեցնել Ավստրիական ազատության կուսակցություն գլխավոր քարտուղար Քրիստիան Հաֆենեկերը:
